News

ಬಂಟ್ವಾಳ: ಅನ್ಯಕೋಮಿನ ಜತೆ ಮಾತು ಬೇಡ ಎಂದು ತಾಯಿ, ಮಗಳಿಗೆ ಬೆದರಿಕೆ : ಇಬ್ಬರ ಬಂಧನ

 

ಬಂಟ್ವಾಳ, ಜ ೧೦: ತಾಲೂಕಿನ ಮೆರಮಜಲು ಎಂಬಲ್ಲಿನ ಮನೆಯೊಳಗಿ ನುಗ್ಗಿ ದಾಂಧಲೆ ನಡೆಸಿ ಕುಟುಂಬಸ್ಥರಿಗೆ ಬೆದರಿಸಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಇಬ್ಬರು ಆರೋಪಿಗಳನ್ನು ಬಂಟ್ವಾಳ ಗ್ರಾಮಾಂತರ ಠಾಣಾ ಪೊಲೀಸರು ಜ 08 ಸೋಮವಾರ ಬಂಧಿಸಿದ್ದಾರೆ.
ಆಟೋ ಚಾಲಕ ಉಮೇಶ್ (33) ಮತ್ತು ರಮೇಶ್ (48) ಎಂಬಿಬ್ಬರು ಬಂಧಿತ ಆರೋಪಿಗಳು . ರವಿವಾರ ರಾತ್ರಿ ತಂಡವೊಂದು ತನ್ನ ಮನೆಗೆ ನುಗ್ಗಿ ದಾಂಧಲೆ ಮಾಡಿ, ಅನ್ಯಮತೀಯರ ಜೊತೆ ತಾನು ಹಾಗೂ ತನ್ನ ಮಗಳು ಮಾತನಾಡಬಾರದು ಎಂದು ಎಚ್ಚರಿಕೆ ನೀಡಿದ್ದು, ಒಂದು ವೇಳೆ ಮಾತನಾಡಿದರೆ ಊರಿಂದ ಹೊರಹೋಗಬೇಕು ಎಂದು ಬೆದರಿಸಿದ್ದಾಗಿ ಮಹಿಳೆಯೊಬ್ಬರು ದೂರು ನೀಡಿದ ಕುರಿತು ಬಂಟ್ವಾಳ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ಈ ಸಂಬಂಧ ಇಬ್ಬರನ್ನು ಬಂಧಿಸಿ ನ್ಯಾಯಾಂಗ ಬಂಧನ ವಿಧಿಸಲಾಗಿದೆ. ಇವರಿಬ್ಬರು ಬಲಪಂಥೀಯ ಕಾರ್ಯಕರ್ತರಾಗಿದ್ದು, ಉಳಿದವರು ತಲೆಮರೆಸಿಕೊಂಡಿದ್ದಾರೆ ಎಂದು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಸುಧೀರ್ ಕುಮಾರ್ ರೆಡ್ಡಿ ಮಾಹಿತಿ ನೀಡಿದ್ದಾರೆ.